Hierdie maand

Wie ook al gesê het dat 'n mens die nuwe jaar met alle mag moet stormloop het nog nooit die lang, warm en soel Januarie-dae in Kaapstad ervaar nie. Daar is geen beter tyd om vroeg in die oggend op te staan en in jou eie tuin te ontspan voor die eerste strale ongenadiglik begin skyn nie. Dis my tonikum vir die dag, en ook die beste tyd om jou kop skoon te kry vir die nuwe jaar. Dis juis wat ons dié maand In Tuis doen – raak rustig en kry 'n gemaklike pas vir die jaar. Ons wys jou hoe om stil hoekies in en om jou huis te skep, plant waatlemoene, skuif die meubels in die leefvertrek 'n bietjie rond en gee sommer hope selfdoenprojekte om jou elke Saterdag besig te hou. Kom raak rustig saam met ons.
Anneke