Vlei
Pels gee ekstra snoesigheid op 'n koue dag.

Roomkleurige polonek (R160), Foschini. Grys gebreide baadjie met pels-detail (R1 195), Slate.

Water
Jou veelsydigste moet-hê-item – 'n lang oopknooptrui. (Belê ook in 'n paar waterdigte stewels, jy weet nooit nie ...)

Groen tafsy-romp met plooie (R990), KLûK CGDT. Geel voetlose kouse (R59,95), Falke. Grys oopknooptrui met belt (R799), Guess. Swart waterstewels (R46,20), Kaap Agri Bedryf.

Natuurlik
Almal het 'n gunsteling-trui; nou ook 'n gebreide rok.

Roomkleurige rok met vlermuismoue (R199,95), Kelso Success @ Edgars. Kameelkleurige kouse van riffelstof (R69,95), Falke. Sjokolade-bruin polonek (R180), Woolworths. Ligbruin enkelstewels (R800), Froggie. Bruingrys vilthoed (R120), Foschini. Piouterkleurige handsak (R895), Colleen Eitzen @ The Space.

Voor die storm
Reg vir die laagop- laag-voorkoms? Dra 'n moulose trui bo-oor chiffon en gebreide teksture.

Noupypbroek van geruite stof met metaalglinstering (R339,95), Rage. Roomkleurige top met chiffon-moue, gebreide neklyn en borduurwerk (R895), Aftershock. Swart moulose trui (R1 965), Cigar.

Stilte
Grys is stééds groot. Vir meer drama, kombineer verskillende gryse.

Swart gebreide romp (R999), Nicci Boutique. Grys gebreide rok met swart versiering om neklyn (R895), Slate. Grys gebreide baadjie (R299), Slick. Swart kouse (R39,95), Falke.

Elemente
Leer, wol, maasstof en tweed. Dra kontrasterende teksture en onthou daardie middellyf-belt.

Grys wyepypbroek met omvousome (R1 800), Stefania Morland. Plat goue skoene (R300), Luella. Oranje rondenek-trui (R200), Foschini. Goue maasstof-bloes (R990), KLûK CGDT. Bruin geweefde leerbelt (R300), Lunar. Swart kouse (R39,95), Falke.

Grond
Perfek vir motreëndae: patrone en kleure, selfs 'n wolmus.

Gebreide rok met kleurpatrone (R239,95), Rage. Roomkleurige kouse van riffelstof (R69,95), Falke. Plat bruin skoene met ronde punte (R390), Luella. Bruin oopknooptrui met blinker-detail (R995), Aftershock. Roomkleurige gebreide mus (R69,95), Woolworths.

Vuur
Oranje lig jou winter-voorkoms én jou bui. Dra helder kleure by neutrale breistowwe.

Kameelkleurige rok van breistof (R1 899), Nicci Boutique. Oranje gehekelde oorvou-trui, los gedra (R270), Blackbeard & Dare. Gebreide serp (R289), Accessorize. Donkerbruin sybokhaar-serp (R90), Cape Mohair. Bruin sykouse met diamantpatroon (R69,95), Falke

Deur: Amaria Carstens
Fotos: Inge Prins