Die sensuele blou bedrukte fluweelaandrok (R1 250) is van Hip Hop en die bessiekleurige ooptoonfluweelskoene (R600) van Europa Art. Die kristalarmband (R1 899) asook die hangoorbelle (R400) is van Ruby in the Dust.

Dié versierde fluweelbaadjie (R2500) met wye moue, blinkers en knoppies is van Guess. 'n Wye bruin fluweelromp en fluweelkamisool werk ook saam met die baadjie. Die sterlingsilwer ring met pers steen (R1 895) is van Thomas Sabo.

Lyk speels in 'n militêr-geïnspireerde fluweel-kortbroek met blink knope (R320) van Pulsate. Die antieke pienk satynhemp (R1 200) is van Philosophy. Jy kan die broek ook met 'n bonkige trui dra vir 'n informele voorkoms. Die visnetkouse (Rapture van Cameo) kos sowat R60, die swart wighakskoene (R950) is van Europa Art en die halssnoer met kleurryke rooi, pienk en pers stene (R190) van Tessa Design.

Modereg vir enige geleentheid in laag op laag fluweel. (Nie meer 'n mode-taboe nie!) Die middernagblou bolero-fluweelbaadjie met kant-afwerking (R599) is van Nicci Boutique en oranje-rooi kamisool (R59) van Meltz. Die bruin fluweelromp (R899) is van Nicci Boutique en die visnetkouse (R49,95) van Woolworths. Rondepuntskoene werk goed hierby.

Dié elegante geblomde fluweeljas (R695) van Hip Hop is perfek saans oor 'n satynrok. Of dra dit bedags met jeans en 'n top.

Vir 'n informele voorkoms kies dié wye bruin fluweelromp (R320) van Truworths en rooi rekstof-top met kant-detail (R590) van Purr. Die twee stringe goue krale (R99 elk) is van Claire's.

Sexy in die wynrooi kunspels-bolero (R1 190) en satyn-kamisool in dieselfde kleur (R850) van Philosophy. Die bruin fluweelbroek (R220) is van www@Foschini, die rooi skoene (R1 200) van Europa Art, die ring met die groot rooi steen (R800) van Lulu Belle.