Kantdetail gee 'n groen rok (R1 295) van Slate 'n romantiese gevoel.
Dra sexy ooptoonskoene met die diamanté-gespe (R370) van Luella daarby – hierdie paar het ons almal gaande gehad.

Lyk verleidelik soos Rolanda in 'n rok soos dié lemmetjiegroen een (R1 200) van Klûk Ready-to-wear. Die pers krale (R1 710) is van Stephania Morland en die pers oorbelle (R300) van Ruby in the Dust.

'n Lang swart rok (R980 van Lunar) bly maar klassiek.
Die swart rok (R720) van Sinéquanone en hoed (R895) van Trinkets gee dadelik 'n speelse gevoel. Die skoene (R250) van Me Too by Cosmo Footwear.

Raak nostalgies in 'n swart satynrok van Thomas Red (R925) en 'n foppels-bolero (R595) van Slate.

'n Rok bly maar sensueel en vroulik, soos dié lila een (R595) van Slate.

Rolanda maak gereed vir 'n rol...
Sy dra 'n klassieke goue-en-swart rok (R550) van die ontwerper Leigh Schubert, beskikbaar by The Space.
Die swart-en-goue krale (R300) is van Amici.

Dra al jou pêrels gelyk. Die twee kort pêrelhalssnoere (R199 elk), die mediumlengte (R249) en die twee langes (R299) is van Miglio. So ook die lang pêrelhalssnoer met die kruis (R249) en die harthalssnoere met pêrels, glas en silwer (onderskeidelik R399 en R499).
Die roomkleurige rok (R1 200) is van die ontwerpers Abraham Louida by Black Coffee en die swart serp in haar hare (R57) van Claire's.