Dra die klipgrys jas (R990) van ego istic by Foxy met die swart leerbelt (R225) van Blue Bay, groen leerhandskoene (R150) van Woolworths, visnetkouse (R35) van Osivis en hoëhakskoene (R695) van Carvella by Spitz. Die kort én lang stringe rooi krale (R179 elk) is van Lulu Belle.
Kies 'n jas met 'n interessante tekstuur & dra dit saam met 'n kleurryke rok en kouse.
Die verskillende materiaalblokke maak hierdie jas (R8 500) van Rosenworth ongewoon. Die pienk rok met swart strik (R1 999) is van Habits, die oranje visnetkouse (R49,95) van Woolworths en die swart hoëhakskoene (R795) met bandjies van San Marina.
'n Jas laat jou langer lyk – dit maak enige woorkoms elegant. Bly weg van lang jasse as jy kort is en dra gerus die lang, militêre jasstyl as jy lank is.
Dié geblomde jas (R1 890) van Klûk Ready-to-wear is die perfekte lengte vir enige persoon. Dra dit toegeknoop met 'n pers serp (R93) van Claire's en bottelgroen sykouse (vanaf R69,99) van Falke. Kies ligbruin hoëhakskoene soos dié op bl. 74 van Carvella by Spitz daarby.
Dra onder die korter jasstyl altyd iets wat net effens langer of korter is as die jas. Of dra 'n langbroek as dit meer jou styl is.
Kies 'n mosterdgeel jas (R1 100) van Slate by 'n pers satynrok met strik (R1 375) van India Jane. Dra wynrooi sykouse met blomdetail (vanaf R69,99) van Falke daarby en ligpers skoene met gespes (R495) van San Marina.
Maak seker iets dramaties
loer uit by jou jas soos 'n kleurryke strik of wys interessante materiaal-detail deur
jou moue om te vou.
'n Oranje satyn-strikbloes (R510) van India Jane steek uit by die ligbruin jas (R1 600) van Klûk Ready-to-wear. Dra 'n speelse kunspelsserp (R350), ook van Klûk Ready-to-wear.
Lyk sexy in dié seisoen se jasse – dra dit oopgeknoop met 'n vroulike rok.
Die groen rok (R395) is van die ontwerper Colleen Eitzen by The Space, en die pers sy-en-wol-jas (R5 390) is van Cigar. (Die jas is ingevoer van Frankryk.) Die korter string rooi krale (R89) en die rooi en gekleurde krale (R150) is van Claire's.
Die korter jas
is groot modenuus. Dra dit met hoëhakskoene of met stewels vir 'n meer informele voorkoms.
Die groen woljas (R1 100) is van Slate en die roomkleurige regaf-romp van satyn (R499) is van Blue Bay. Die hoëhakskoene met die strikdetail (R695) is van Carvella by Spitz en die bruin handsak van kunskrokodilleer (R1 399) is van Habits.
