Die dae word langer ... eersdaags is dit somer.

Dra blou saam met neutrale kleure soos dié wit top (R200) van Foschini. Die trui (R180) is van Woolworths en die hangertjie (R80) van Foschini.

Die kortgesnyde baadjie (R790 van Jo Borkett) neem die seisoen oor by die knooptrui. Rond die silhoe?af met 'n wye broek (RR360) van Truworths en gordel (R450) van Sin?anone daarby te dra. Die kamisoolstyl-top (R395) is van Morgan en die blaar-oorbelle (R275) van Paisley

Die pakkie se dae is eers getel! Dra individuele items soos baadjies – dié een is van Amanda Laird Cherry by India Jane (R350) – en rompe (Nougat by Wizards, R1 950) van verskillende kleure en teksture. Wees nog meer speels met 'n gestreepte top (R420) van Polo en kleurvolle handsak (R299) van Nine West. Die oorbelle (R89,95) is van Woolworths, armband (R495) van Paisley en die skoene (R440) van Froggie.

Die vol romp is kort op die hakke van die kortgesnyde baadjie as dit by "moets" vir die seisoen kom. Belê in 'n goeie snit wat vleiend pas soos die romp (R1 200) van Black Coffee. Balanseer die silhoe?met 'n kleiner baadjie, kort jas of top. Die jas (R489) is van Icing en die satyntop (R190) van Monsoon. Die skoene (R230) is van Woolworths.

Skaf solank 'n paar van die somer-"moets" aan vir die warmer dae. Die vlieënier-styl Dolce & Gabanna-sonbril (R1 969) is van Glare, 'n kaftan-styl rok (R1 199) van Polo met helder patroondetail, 'n groot armband (R180) van Klêk en 'n paar toonsandale met turkoois stene (R99) van Woolworths.

Iets blinks werk ook vir die dag. Dra dit met natuurlike stowwe soos katoen en kies neutrale kleure daarby. Die goudkleurige broek (R795) is van Maya Prass by India Jane en die hemp (R250) van Truworths. Die Krale (vanaf R80) van Edgars versag effers die blink vir die dag.

Helder kleure gaan groot wees die somer! Nooi dit somer binne met die sjiek geel jas (R1 180) van Diesel. Top (R590) van Klûk en romp (R1 200) van Black Coffee.