Voorverhit die oond na 180 °C. Smeer of spuit twee 23 cm koekpanne. Sif die meel, koeksoda, bakpoeier, sout en kaneel saam. In 'n elektriese menger klits die eiers vir so 1 minuut. Voeg die suiker lepel vir lepel by en klits tot romerig en lig van kleur.

Voeg nou die olie by deur dit stadig by die eier / suiker mengsel in te klits. Voeg nou die vanielje-geursel by. Voeg nou die gesifte droë bestanddele by en roer liggies deur tot net gemeng. Vou die gerasperde wortels en neute in die mengsel in.

Verdeel die mengsel in die 2 gesmeerde koekpanne en sit in die warm oond (sorg dat jou oondrakkie in die middelste rak van jou oond is) Bak nou die 25 tot 30 minute. Toets met 'n dun pennetjie om seker te maak die koek is gaar. (druk die pennetjie of tandestokkie in die middel van die koek en dit moet dan droog uitkom.)

Versiersel:

In 'n elektriese menger klits die botter en roomkaas stadig saam tot daar geen klonte meer is nie. Voeg die gesifte strooisuiker geleidelik by en klits goed na elke byvoeging. Heel laastens voeg die suurlemoenskil, sap en vanielje-geursel by.

Versier die koek met van die versiersel in die middel en die res net bo-op die koek - nie langs die kante nie. Versier met nog okkernuete of pekanneute. Geniet en ek hoop dit is die resep wat jy gesoek het.