|
|
|
|
KOS & WYN - VRAAG & ANTWOORDE |
|
|
Vraag: Maklike en vinnige disse
Ek kom partymaal laat by die huis, dan is ek nie altyd lus om 'n lang eetmaal voor te berei nie. Watter lekker en vinnige disse het jy in gedagte?
Antwoord: Hoenderslaai met neute
Lewer 6-8 porsies
250 ml hoenderaftreksel
5 ml droë dragon
10 ml matige kerriepoeier
6-8 hoenderborsies
5 selderystingels, in skyfies gesny
1 bossie sprietuie, in dun skyfies gesny
2 rooi appels, kern verwyder, in dun skyfies gesny
8 songedroogde tamaties in olyfolie, in repies gesny
625 ml gaar skroefnoedels of skulpnoedels
slaaiblare
250 ml pekanneute, grof gekap
Slaaisous
250 ml bloukaasslaaisous
125 ml ongegeurde jogurt
1. Verhit hoenderaftreksel, dragon en kerriepoeier in 'n kastrol tot kookpunt. Plaas hoenderborsies in die aftreksel en verlaag hitte sodat dit stadig prut. Prut vir 8-10 minute stadig met die deksel op en verwyder kastrol van plaat. Laat hoender in vloeistof afkoel tot kamertemperatuur.
2. Meng seldery, sprietuie, appels en songedroogde tamaties. Sny hoender teen die grein in 1 cm-dik repies. Plaas terug in aftreksel en laat vir 5 minute staan.
3. Berei slaaisous deur bloukaasslaaisous met jogurt te meng.
4. Dreineer hoenderrepies en meng met slaaisous. Vou seldery, appels, sprietuie, songedroogde tamaties en noedels in.
5. Skep op slaaiblare op 'n groot opdienbord en sprinkel neute oor. Sit voor met vars broodrolletjies.
|
|
|
|
|
Het jy enige KOS & WYN vrae? Gebruik die vorm hier onder om jou vraag te plaas.
|
|
|
|
|
|
|
|
