Die deeg is genoeg vir twee tertdoppe van 200 - 240 mm

Kors

Vulsel

1. Kors: Sif meel, sout en versiersuiker saam, vryf koue botter met vingerpunte in totdat dit soos fyn broodkrummels lyk 9 dit kan ook in 'n voedselverwerker gedoen word. Voeg net genoeg yswater by om deeg aanmekaar te laat klou. Druk deeg plat in 'n ronde sirkel, bedek met kleefplastiek en laat in yskas vir 1 uur of tot nodig.
2. Spuit 'n diep quichepan of koekpan met kossproei. Halveer deeg en rol uit in 'n sirkel op 'n meelbestrooide oppervlak. Voer pan versigtitg uit en plaas terug in yskas tot deeg weer ferm is. Voer uit met foelie en vul tertdop met bone of rys. Bak in 'n voorverhitte oond by 200 ?C vir 15 - 20 minute. Verwyder foelie met bone en bak nog 5 minute of tot deeg gaar is. Laat afkoel.
3. Vulsel: Giet gekondenseerde melk in mengbak en maak kondensmelkblikkie halfpad vol met suurlemoensap. Roer om al die melk in die blikkie op te los, voeg by gekondenseerde melk in bak. Voeg eiergele en gerasperde skil by en meng goed. Klop een eierwit tot styf, voeg by die gekondenseerde melkmengsel in en skep in tertkors.
4. Klop orige eierwitte met kremetart tot amper styf, voeg suiker geleidelik by en klop tot styf en glad. Smeer oor vulsel of spuit met 'n spuitsak en buis. Bak sowat 10 minute in 'n voorverhitte oond by 180 ?C of tot meringue goudbruin is. Sit voor by kamertemperatuur. Moenie in yskas plaas nie.