Vraag: sangria
Het jy vir my 'n resep vir sangria? Ek wil dit as 'n drankie bedien saam met pizzas.
Antwoord: Hiermee 'n lekker resep vir Sangria
Lewer 6 porsies
10 naeltjies
1 heel lemoen
750 ml droë rooi wyn
625 ml perske-lemoensap
3 kaneelstokkies
75 g (90 ml) suiker
2 middelslag-lemoene, in skywe gesny
ysblokkies
1. Druk naeltjies in lemoen.
2. Plaas wyn en vrugtesap in kastrol met heel lemoen, kaneel en suiker.
3. Verhit en roer tot suiker opgelos het.
4. Laat afkoel en plaas oornag in yskas.
5. Om voor te sit, haal lemoen en speserye uit. Giet in mooi glasbeker of ponsbak.
6. Voeg orige bestanddele by en giet in glase. Garneer met kruisement.
| 
